Emocione, lot malli, dhimbjeje e gëzimi bashkë gjatë momenteve të takimit të familjarëve me ata që lanë qelitë e burgut, pasi përfituan nga amnistia.
Shumë janë pritur me lule, të tjerë vetëm me përqafime…
Në grupin e grave të liruara ka rënë në sy një vajzë simpatike, që rrinte në krah të Manjanit, mes grave të sapoliruara nga burgu. Gazetari i “Panorama” raporton se ajo është Uarda Çota, e dënuar më parë me 5 vite burg pasi në gjendje të dehur aksidentoi në Tiranë familjen e ishzv.ministrit të Brendshëm Avenir Peka, ku humbi jetën 11 vjeçari Rubin Peka. Vajza nga sot është e lirë, bashkë me 9 gra të tjera të cilat të akuzuara për vepra të ndryshme penale duke nisur që nga vrasje e deri tek prostitucioni. Shihni videot bërë nga gazetari Armand Bajrami, i “Panorama”.
