Aktualitet

VIDEO/ Aksidenti shuan 4 pjesëtarë të një familje, publikohen pamjet


Bëhu pjesë e Grupit Zyrtar të Opinion.al
>> KËTU <<
               Publikuar në : 19:44 - 14/01/21 |
Semiljana Azizi

Një aksident tragjik i ka marrë jetën një familjeje kosovare mbrëmjen e sotme në aksin rrugor Milot-Morinë.

Pamjet e aksidentit të ndodhur pak minuta më parë të publikuara nga televizioni Klan, tregojnë se sa e fuqishme ka qenë përplasja dhe se si makina me të cilën udhëtonte familja është thuajse totalisht e shkatërruar.

Sipas policisë, në afërsi të një karburanti në Rreshen, mjeti  tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë dhe si pasojë kanë humbur jetën 4 persona.

Katër personat që kanë ndërruar jetë janë pjesëtarë të së njëjtës familje nga Kosova, një çift bashkëshortësh dhe 2 fëmijët e tyre, ndërsa ka mbetur i plagosur fëmija i tretë i çiftit, i cili është transportuar në spitalin e Traumës Tiranë.

Lezhë/Informacion paraprak

Në aksin rrugor Milot-Morinë, në afërsi të një karburanti në Rreshen, mjeti tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë.
Për pasojë kanë humbur jetën drejtuesi i mjetit tip “Citroen” , bashkëshortja e tij dhe 2 fëmijët dhe është plagosur fëmija i mitur, i cili është transportuar në spitalin e Traumës Tiranë.
Grupi hetimor në vendngjarje punon për sqarimin e plotë të shkakut dhe rrethanave të ngjarjes./Opinion.al

Pas