Drejtuesi i mjetit që shkaktoi aksidentin në Kamëz është Arnold Kola, djali i ish- deputetit, Ndue Kola për Qarkun e Shkodrës, në zgjedhjet e përgjithshme të vitit 2009.
Një efektiv i Komisariatit numër 5 në kryeqytet humbi jetën pasi makina e patrullës së policisë u aksidentua nga një automjet mbrëmjen e së dielës në Kamëz.
Furgoni i policisë u aksidentua gjatë momentit që 3 efektivë po patrullonin në Bulevardin Blu, në Kamëz, pranë shkollës “Ibrahim Rugova.”
Sipas të dhënave paraprake, mësohet se automjeti tip Lexus, me targë TR 8788 T, si rezultat i shpejtësisë së lartë ka marrë përpara furgonin e policisë dhe disa makina të tjera.
Për pasojë si rezultat i plagëve të marra, ka humbur jetën efekti E. Haxhia, 41 vjeç.
Të plagosur kanë mbetur punonjësit e policisë, I. Hoxha dhe B.V, punonjës të komisariatit 5, që janë transportuar në gjendje të rëndë në spitalin e Traumës.
Si rezultat i përplasjes është dëmtuar dhe mjeti tip BMW, me targë AA 231 KU.
Policia ka ndaluar drejtuesin e mjetit që shkaktoi aksidentin shtetasin 22 vjeçar Arnold Kola.
