Këto pamje tregojnë atë se çfarë ka mbetur pas aksidentit tragjik me tre të vdekur që ndodhi mbrëmjen e djeshme në Rrugën e Arbrit.
Dy automjetet tip Benz, njëra prej të cilave e shkatërruar tërësisht, janë hequr mëngjesin e së enjtes nga vendngjarja.
Ato kanë qëndruar aty gjatë gjithë natës në vendin e konsideruar “skenë krimi” për shkak të errësirës mbrëmjen e së mërkurës dhe pamundësisë së ekspertëve për të kqyrur plotësisht vendngjarjen.
Mëngjesin e sotëm, hetuesit e policisë u rikthyen në vendin e përplasjes së dy mjeteve ku bënë edhe njëherë kqyrjen e vendit të aksidentit, fotografimin e skenës dhe rindërtimin e dinamikës.
Ngjarja ndodhi në afërsi të urës Qeranecit. Në aksidentin tragjik humbën jetën 3 anëtarë të një familje dhe u plagosën 4 të tjerë.
Të vdekur:
Kujtim Istrefi ( Dehari ) – 57 vjeç(Maqellarë – Dibër)
Murat Istrefi (Dehari) – 76 vjeç(Maqellarë – Dibër)
Lulëzime Istrefi(Dehari) – 45 vjeç (Maqellarë – Dibër)
Të plagosur:
Mërgim Lazri– 25 vjeç (Bllatë e Epërme – Dibër)
Edison Lazri– 29 vjeç (Bllatë e Epërme – Dibër)
Firuze Istrefi – 56 vjeç(Maqellarë – Dibër)
Kadrie Markeçi– 19 vjeç (Shupenzë -Dibër)
