Një aksident është regjistruar mesditën e sotme në aksin Shkodër-Hani i Hotit, në afërsi të rreth-rrotullimit të Koplikut.
Paraprakisht bëhet e ditur se janë përplasur dy automjete, e për pasojë kanë mbetur të plagosur 4 persona. Mësohet se njëri prej personave të plagosur është në gjendje të rëndë shëndetësore.
Ashtu siç mund të shihni edhe në pamjet e mëposhtme, përplasja mes automjeteve ka qenë shumë e fuqishme, aq sa njëri prej automjeteve ka përfunduar jashtë rrugës.
Në vendin e ngjarjes ka mbërritur policia dhe zjarrfikësja./Opinion.al
