Një aksident është regjistruar paraditen e sotme në aksin Cërrik-Belsh, ku dy automjete “Benz” janë përplasur me njëri-tjetrin.
Paraprakisht, nga uniformat blu është bërë e ditur që si pasojë e përplasjes kanë mbetur të plagosur 3 persona.
Dy drejtuesit e mjeteve dhe pasagjerja janë dërguar në spital dhe janë jashtë rrezikut për jetën.
“Më datë 07.01.2022, rreth orës 10:30, në aksin rrugor Cërrik Belsh, mjeti tip “Benz” me drejtues shtetasin M. F. është përplasur me mjetin tip “Benz” me drejtues shtetasin V. H.
Për pasojë janë dëmtuar të dy drejtuesit e mjeteve dhe pasagjerja, shtetasja K. U., të cilët ndodhen në Spitalin Rajonal Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit”-njofton policia./Opinion.al
