Një aksident i rëndë ka ndodhur mëngjesin e sotëm në kryeqytet. Sipas tvklan.al një motor i forcave “Shigjetat” është përplasur me një automjet.
Si pasojë e përplasjes kanë mbetur të plagosur, 2 efektivët që ishin duke udhëtuar në motor, ku një prej tyre është në gjendje më të rëndë.
Ngjarja ka ndodhur në zonën e Unazës së Re në Tiranë, tek Kopshti Botanik. Siç shihet nga pamjet, dy efektivët e plagosur po marrin ndihmën e parë mjekësore .
Ambulanca ende nuk ka mbërritur në vendin e ngjarjes për shkak të trafikut të rënduar në zonë.
Ndërkohë grupi hetimor ndodhet në vendngjarje./Opinion.al
