Një aksident i rëndë hekurudhor është regjistruar në Athinë. Mediat greke shkruajnë se një makineri e specializuar për të pastruar linjat elektrike të hekurudhës, doli nga kontrolli dhe u përplas me një tren pasagjerësh.
Si pasojë e aksidentit një punëtor 41-vjeçar humbi jetën ndërsa dy punëtorë të tjerë mbetën të plagosur dhe janë dërguar në spital për të marrë ndihmë mjekësore.
Ngjarja e rëndë ndodhi në linjën 1 në orën 04:05, kur makinës speciale iu thyen frenat dhe për pasojë filloi të lëvizte në mënyrë të pakontrolluar përpara se të përplasej përfundimisht me një tren në stacionin Agios Nikolaos. Tre punëtorët u detyruan të hidheshin në hekurudhë përpara përplasjes, ndërsa fatkeqësisht një prej tyre humbi jetën./Opinion.al
