Një senator australian është goditur me vezë nga një protestues 17-vjeçar ndërsa po fliste për mediat vendase mbi masakrën e Christchurch në Zelandën e Re, e cila shkaktoi 50 viktima.
Pasi i riu e qëlloi me vezë, senatori Fraser Anning i është kundërpërgjigjur duke e goditur me shpulla e grushte, ndërsa dukej shumë i inatosur nga veprimi i tij. Reagimi i adoleshentit u nxit nga një status i senatorit, i cili fajësoi myslimanët për sulmin terrorist.
Senatori australian i cili njihet për pozicionin islamofob, menjëherë pas sulmit tragjik reagoi në Twitter duke shkruar: ‘A mendon dikush ende se emigracioni mysliman dhe dhuna nuk janë të lidhura me njëra-tjetrën’.
Pamjet kanë bërë xhiron e mediave ndërkombëtare, dhe kritika të forta janë lëshuar ndaj senatorit, ndërsa ndaj tij nuk mungojnë as kërcënimet me vdekje nga grupe të ndryshme ismalike./Opinion.al
