Qindra tunele ndodhen në vendin tonë, shumë prej tyre janë në administrimin e Ushtrisë. ABC News shkoi pranë atyre përgjatë rrugës Elbasan -Përrenjas, ku sipas shtypit italian janë përdorur si vend depozitimi mbetjesh nga Italia.
Përgjatë rruges Elbasan-Përrenjas ndodhen qindra tunele, magazina dhe reparte të ushtrisë. Disa prej tyre janë braktisur.
Të tjerët janë në territore trojesh të shitura por shumë nga ta nën administrimin e ushtrisë.
Edhe banorët e zonës nuk kanë vërejtur lëvizje të dyshimta, c’ka mund të tregojë për depozitime mbetjesh.
Por megjithatë përgjatë segmentit Elbasan-Përrenjas ndodhen edhe tunele të mbyllur. Tunele në administrimin e ushtrisë dhe galeri të braktisura minierash.
Shtypi italian ngriti supozime që 1300 kontenierëve të mbushura me plehra në Itali qe sipas një kontrate do të përpunoheshin në qytetin Drisla në Maqedoni, janë groposur në Shqipëri.
Nisur nga gjithë këto dyshime më datë 2.3.2017 Prokuroria e Durrësit ka nisur një procedim penal dhe çështja është nën hetim.
