Partia Demokratike prej 3 ditësh akuzon ministrin e Brendshëm Fatmir Xhafaj se ka ndyrshuar ligjet e vendit vetëm për të mos lejuar burgosjen e të vëllait, Agron Xhafaj i dënuar me 7 vite burg për trafik droge në Itali. Sot, Partia Demokratike ka risjellë në vemendje intervistën e ministrit italian të Drejtësisë, Orlando, i cili vizitoi Shqipërinë në Dhjetor 2017 (5 muaj më parë). Intervista është dhënë për botuesin Carlo Bollino dhe ministri Andrea Orlando shprehet ekzaktësisht: “drejtësia shqiptare duhet të zbatojë vendimet e dhëna në mungesë nga gjykatat italiane”. Ai tha se janë 12 shqiptarë të dënuar në Itali dhe që nuk arrestohen në Shqipëri, për shkak se nuk përputhen ligjet mes dy vende.
Pyetje: Ka dhe një problem të njohjes së vendimeve italiane nga pala shqiptare? Më rezulton se janë rreth 12 raste ?
Orlando: Po dhe është një çështje që e diskutuam edhe sot me ministren shqiptare, dhe i referohet atyre rasteve kur dënimet janë dhënë në mungesë. Kodi italian e lejon ndërsa ai shqiptar jo, dhe kjo nuk ka bërë të mundur një lexim të përbashkët mes palëve të çështjeve proceduriale. Ne mendojmë që në bazë të traktateve edhe këto vendime duhet të ekzekutohen. Është një element që duhet të sqarohet dhe synojmë ta sqarojmë.
Pyetje: Për të kuptuar më qartë, janë 12 shqiptarë të dënuar në Itali, që ndodhen në Shqipëri, por këtu nuk arrestohen dhe as nuk ekstradohen drejt Italisë.
Orlando: Pikërisht kështu, sepse pala shqiptare mendon që këto procese nuk janë konform ligjeve në Shqipëri dhe nuk janë ekuivalente me dënimet në Shqipëri, siç ndodh me vendimet që nuk e kanë këtë problem. Ndërsa ne mendojmë që edhe vendimet e dhëna në mungese sipas modelit të një procesi të rregullt duhet të ekzekutohen.
Pyetje: Bëhet fjalë për krime të rënda ?
Orlando: Jo të gjitha, por ka dhe vendime domethënëse.
Pyetje: Dhe këta 12 janë të lirë këtu në Shqipëri, nuk janë të ndaluar?
Orlando: Mendoj se po, por nuk është e thënë se mund të jenë të ndaluar edhe për çështje që nuk kanë lidhje me proceset në Itali.
