Në videon e reperit kosovar “Capital T” paraqitet një helmetë e Ushtrisë së Zvicrës. sipas përgjegjësve të kësaj ushtrie, përdorimi i helmetës nuk është i lejuar.
“C`est la guerre” quhet videoja më e re muzikore e reperit kosovar Capital T., e krijuar në bashkëpunim me reperët nga Gjeneva, Macro dhe DJ Nika.
Por, ajo që është interesante në këtë rast është se nga minuta 2.34 e video paraqitet një helmetë të cilën e njohin të gjithë ata që kanë shërbyer ose shërbejnë në armatën e Zvicrës.
I pyetur për këtë e ka konfirmuar edhe zëdhënësi i ushtrisë, Mirco Baumann. “Ka shumë mundësi që fjala të jetë për helmetën 04 të Armatës Zvicerane, për më tepër që mbulesa e helmetës duket edhe shenja origjinale e gradës. Kjo gradë i takon rreshterit”.
Baumann ka thënë se pjesët e uniformës ashtu sikurse edhe e gjithë uniforma, parimisht mund të përdoren vetëm për qëllime shërbimi në ushtro.
“Helmeta ashtu sikurse edhe uniforma ushtarake janë shprehje të sovranitetit shtetëror. Ai që bart helmetën ose uniformën e tërë, përfaqëson ushtrinë. Andaj bartja e paautorizuar e tyre është e ndaluar”.
