Martina Pajollarit e njohur si “Tina” i është dhënë ditën e sotme masa e sigurisë “arrest me burg”, pasi dyshohet se është bashkëpunëtore në vrasjen e Martin Çeços në 12 qershor të këtij viti.
Sikurse shfaqet dhe në videon e mëposhtme, e reja është pyetur nga gazetarët nëse i pranon akuzat që i janë bërë, por ajo ka shpërthyer në lot dhe nuk ka dhënë asnjë përgjigje.
Kujtojmë se Pajollari ka qenë arsyeja e konfliktit mes viktimës dhe autorit kryesor të vrasjes, Valter Mollaj.
Vajza 18-vjeçare mbante lidhje të dyfishtë, ndërsa Valterit i shprehej se Martini e detyronte për të qëndruar me të, gjë që nuk rezulton e vërtetë. Një tjetër detaj tronditëse është se Pajollari ka qenë prezente në momentin që Valteri me 2 të arrestuarit e tjerë bënin planin për vrasjen e Martinit. Madje dyshohet se ajo ka qenë po ashtu prezente edhe në momentin që u krye ekzekutimi i të riut.
Për këtë çështje tre persona janë vënë pas hekurave më parë, Valter Mollaj, Edlir Mollaj dhe Blenti Angjo, të dyshuarit kryesor të kësaj ngjarje.
Nga informacione paraprake të hetimit dyshohet se Martina Pajollari e ka nxjerrë në pritë 26 vjeçarin, natën kur u ekzekutua disa kilometra pranë fshatit Kolanec, tek një rezervuar, ku u inskenua dhe vetëvrasja e Martin Çeços./Opinion.al
