Përgjatë javës që lamë pas janë regjistruar 46 aksidente rrugore në vend, ku 4 persona kanë humbur jetën 10 persona janë plagosur rëndë, ndërsa 57 persona të tjerë kanë pësuar dëmtime të lehta.
Policia bën me dije se nga analiza e kryer për të përcaktuar shkakun e ndodhjes së këtyre aksidenteve kanë rezultuar disa faktorë si: parakalimet e gabuara, mospozicionimi i rregullt në karrexhatë, mosrespektimi i distancës së sigurisë dhe tërheqja e vëmendjes nga drejtimi i mjetit.
Kështu, Policia e Shtetit bën me dije se vijon me kontrollet e shtuara në të gjithë vendin, në rrugët urbane, interurbane dhe rurale, me qëllim parandalimin e aksidenteve rrugore.
Gjatë kontrolleve permanente janë evidentuar dhe ndëshkuar 11.556 drejtues mjetesh, për shkelje të ndryshme që janë rrezik potencial për përfshirje në ngjarje rrugore. Vetëm javën e kaluar janë arrestuar 64 shoferë, janë pezulluar 341 patenta si dhe janë vendosur 11.556 gjoba në të gjithë vendin./Opinion.al
