Një 26 vjeçar është kapur në flagrancë për trafikimin e 370 kg lëndë e dyshuar narkotike kanabis me destinmacion Maqedoninë e Veriut, e cila u sekuestrua në cilësinë e provës materiale.
Ndalimi i të riut u bë në pikën Kufitare të Bllatës pasi gjatë një kontrolli të kryer në mjetin kamionçinë tip “Benz”, shërbimet e Policisë kanë konstatuar të fshehur në brendësi të kamionçinës lëndë narkotike.
Kontrolli ka vijuar nga grupi hetimor dhe Specialistët për Hetimin e Narkotikëve në DVP Dibër, ku gjatë kontrollit të imtësishëm u gjet e fshehur një sasi prej 370 kg lënde e dyshuar narkotike kanabis , e cila u sekuestrua në cilësinë e provës materiale.
Në përfundim të veprimeve të para hetimore , Specialistët për Hetimin e Narkotikëve në DVP Dibër , bënë arrestimin në flagrancë të drejtuesit të kamionçinës F. A., banues në Gjoricë e Poshtme, Bashkia Bulqizë. Vijojnë hetimet për dokumentimin e plotë të skemës së tentativës së trafikimit ndërkombëtar të narkotikëve, identifikimin dhe kapjen e personave të tjerë të implikuar në këtë ngjarje./Opinion.al
