Policia ka bërë publike një video të regjistruar nga kamerat e sigurisë, të rrëmbimit të një të riu në një lokal në Britani.
22 – vjeçari u tërhoq zvarrë nga një lokal në Bristol nga një grup djemsh, mbrëmjen e 15 Dhjetorit.
Ai u dhunua fizikisht dhe u fut në një makinë përpara se dërgohej në Bradley Stoke, një tjetër zonë e qytetit ku dhe arriti të arratisej.
Sipas të përditshmes britanike “Metro”, viktima pati nevojë për trajtim mjekësor për shkak të plagëve të marra në fytyrë.
Policia e Avon dhe Somerset kanë publikuar këtë klip 45 sekondësh të rrëmbimit, me shpresën se dikush do të japë informacione që do të ndihmojnë në kapjen e autorëve.
Deri më tani policia ka arritur të ndalojë dy persona të moshës 32 dhe 28 – vjeç./tvklan.al
