Një ngjarje e rëndë është regjistruar në Turqi, ku një 19-vjeçare është hedhur nga një pallat për të shpëtuar nga rrëmbyesit e saj, të cilët dyshohen se e mbanin peng dhe e dhunonin.
Në videon e publikuar në media, shihet e reja teksa del nga dritarja dhe më pas hidhet nga një lartësi prej 10 metrash duke përfunduar në trotuar.
19-vjeçarja Sirin N.E. humbi ndjenjat, ndërkohë kanë qenë kalimtarët e rastit të cilët i dhanë ndihmën e parë.
Sipas informacioneve, gjendja e saj është e rëndë, ndërkohë që një hetim ka nisur për ngjarjen. Përpara se ajo të hidhej, kalimtarët i thërrisnin që të futej brenda, pa e ditur se ajo ishte në rrezik. Më pas ata lajmëruan policinë, kur dëgjuan thirrjet e saj për ndihmë.
