Një 35-vjeçar është kapur mbrëmjen e së shtunës nga policia, e cila iu vu në ndjekje pasi nuk ndaloi, kur iu dha shenjë ndalimi.
“35 vjeçari nga Tirana që qarkullonte me 176 km/h, është kapur gjatë ndjekjes nga patrullat e tjera të Policisë Rrugre që ishin vendosur në distancë, pasi ky drejtues mjeti nuk ndaloi kur punonjësi i Policisë i dha shenjë ndalimi”, njofton policia duke bërë të ditur se gjatë mbrëmjes së djeshme dhe deri në orët e para të mëngjesit, në aksin Tiranë- Durrës- Tiranë, është hequr leja e drejtimit për 16 mjete.
“Vijon kontrolli i Policisë Rrugore me radar e drager i shtrirë në të gjitha rrugët urbane dhe interurbane të kryeqytetit. Gjatë monitorimit me radar të rrugës interurbane Tiranë -Durrës -Tiranë, përgjatë orëve të vona të mbrëmjes së datës 29 gusht dhe deri në orën 01.15 të ditës së sotme, u konstatuan 16 drejtues mjetesh me shpejtësi që varionte nga 145 km/h deri në 176 km/h, të cilëve ju tërhoq patenta për të dalë në OASH. 14 drejtues mjetesh u ndëshkuan me masë administrative për shpejtësi dhe manovra të rrezikshme në rrugë. Gjithashtu gjatë patrullimeve në segmentin Sauk-Teg, gjatë orëve të vona të mbrëmjes, Patrullat e Policisë Rrugore kanë shoqëruar për në Komisariatin e Policisë Rrugore për verifikime të mëtejshme nga strukturat e DVP Tiranë, 2 automjete prodhime të viteve të fundit , pasi drejtuesit e automjeteve kryenin manovra të rrezikshme në rrugë dhe kishin mangësi në dokumentacion”, njofton policia duke shtuar se në rrugët e kryeqytetit janë arrestuar në kushtet e flagrancës 3 drejtues mjetesh për drejtim mjeti në gjendje të dehur si dhe janë pezulluar 12 Patenta për drejtim mjeti nën efektin e alkoolit./Opinion.al
https://www.facebook.com/policiashtetitshqiptar/videos/352502299102415/
