Mediat helene kanë publikuar emrat e dy shqiptarëve, që një ditë më parë u arrestuan me 105 kg kokainë dhe iu sekuestruan afërsisht 828,000 euro Cash.
Të arrestuar janë Erojn Metkaj dhe Jonid Billa, ndërsa bashkë me ta në pranga përfundoi dhe një shtetas kroat. Të arrestuarit përdornin një apartament në “Agios Dimitrios”, lagje e Athinës që shërbente si një hapësirë ekskluzive e magazinimit.
Nga hetimet ka rezultuar se cilësia e drogës ishte e lartë, ndërsa bëhet fjalë për një organizatë të rrezikshme të përbërë nga shqiptarë dhe kroatë. “Vlen të përmendet se nëse lënda narkotike do të hidhej në tregun e brendshëm të paligjshëm, atëherë fitimet do tejkalonin vlerën e 5 milionë eurove”, shkruajnë mediat greke.
Organizata kishte një strukturë hierarkike, dhe anëtarët e saj kishin role të caktuara specifike.
Drejtuesi i organizatës, ishte një njeri që ishte gjithashtu përgjegjës për blerjen, ruajtjen dhe shpërndarjen e sasive të mëdha të kokainës, si dhe për gjetjen e klientëve dhe administrimin e parave.
Ministri i Mbrojtjes së Qytetarëve, Michalis Chrysochoidis postoi një video në Tëitter ku tregohet se ku fshihej kokaina. / Opinion.al
