Rikthimi i grupit të viteve 90-të “Spice Girl” në një tur koncertesh ishte po aq i bujshëm lajmi që ish-anëtarja Victoria Beckham nuk do të ishte pjesë.
Në një intervistë për “Vogue Germany”, Beckham është pyetur rreth këtij vendimi:
“Mu desh shumë guxim që të mos shkoja në turne sërish me Spice Girls, por të isha ajo që thotë: “E di çfarë, nuk do e bëj sepse gjërat nuk janë si më herët.” Do preferoja të përqëndrohesha te familja dhe kompania ime. Jam 45 vjeç tani dhe shumë e lumtur që jam kjo që jam. Nuk po mundohem të ndryshoj, dua të jem versioni më i mirë i vetes. Përpara se të mbushja 40 vjeç, nuk kisha kaq vetëbesim. Mësova të dëgjoja instiktin.”
Më pas Victoria theksoi se një tjetër nga arsyet ishte se ndihej disi e lënë jashtë grupi.
“Jam e sigurtë që kur të jem atje dhe ato të jenë në skenë, do jetë një pjesë e imja që do ndihet e lënë jashtë grupit. Por gjithsesi, edhe pas kaq shumë kohësh, një pjesë e imja do jetë gjithnjë një Spice Girl.”
Ajo ka pranuar të jetë pjesë vetëm e filmit të animuar të “Spice Girls” që pritet të realizohet së shpejti./Opinion.al/
