Ikona e modës Victoria Beckham është mbushur ditën e sotme nga surpriza dhe dhurata nga fëmijët e saj për ditën e nënës. Ajo e gjeti kuzhinën e mbushur me tullumbace dhe buqeta lulesh si dhe mori shumë urime nga fëmijët e saj. Por duket se dhuratën më të bukur ja ka bërë pikërisht e vogla e shtëpisë 7-vjeçarja Harper.
Ajo ka menduar të ‘shkruajë një libër’ për t’ia dhuruar nënës së saj me titull “My reasons why’ (arsyet e mia përse). Këtë libër Victoria e publikoi në Instagram dhe tregoi disa nga gjërat që ishin shkruar:
“Faleminderit që më vendos në shtrat. Faleminderit për të gjithë aventurat tona. Për të gjithë përqafimet që më jep. Për të gjitha puthjet që jep. Që më mbulon me dashuri.” Ajo ka marrë një dhuratë mjaft të veçantë nga Harper. Gjithashtu ajo ka marrë një urim të ndjerë edhe bashkëshorti i saj ish-futbollisti David Backham.
“Gëzuar Ditën e Nënës për dy nënat më të mira në botë… Dy gra që drejtuan duke dhënë shembull dhe dashuri me gjithçka që kishin… unë dhe motrat e mia jemi shumë me fat dhe po ashtu fëmijët tanë të bukur… Gëzuar Ditën e Nënës të gjitha nënave të mrekullueshme në këtë botë.”,-përfundon David urimin e tij për bashkëshorten dhe nënën e tij./Opinion.al/
