Pilula e impotencës, Viagra mund të jetë një trajtim i dobishëm kundër sëmundjes së Alzheimerit, thonë studiuesit amerikanë që kanë studiuar efektet e saj në tru, shkruan BBC.
Testet në qeliza sugjerojnë se ilaçi synon disa nga proteinat që grumbullohen në këtë lloj demence.
Ekipi i Cleveland-it analizoi një bazë të dhënash me 7 milionë pacientë dhe zbuloi se burrat që merrnin ilaçin kishin një rrezik më të ulët ndaj Alzheimerit.
Doza të larta të ilaçit bënë rritjen e qelizave të trurit dhe reduktuan akumulimin e proteinave në studimet laboratorike të indeve njerëzore.
Njerëzit me sildenafil kishin më pak gjasa të zhvillonin Alzheimer sesa ata që nuk e merrnin këtë mjekim, bazuar në të dhënat personale mjekësore që përfshinin gjashtë vjet dhe që përfshinin më shumë se 7.23 milionë individë.
Pilula blu
Viagra, e njohur edhe si sildenafil, fillimisht u krijua si një ilaç për zemrën për shkak të veprimit të saj kryesor – përmirësimin e rrjedhës së gjakut duke relaksuar ose zgjeruar enët e gjakut.
Mjekët më pas zbuluan se kishte një efekt të ngjashëm edhe në pjesë të tjera të trupit, duke përfshirë arteriet e penisit, dhe u zhvillua në një trajtim të suksesshëm për mosfunksionimin erektil.
Por ekspertët mendojnë se mund të ketë edhe përdorime të tjera. Sildenafil përdoret tashmë tek burrat dhe gratë për një gjendje të mushkërive të quajtur hipertension pulmonar.
Dhe shkencëtarët kohët e fundit kanë eksploruar nëse mund të ndihmojë njerëzit në rrezik të demencës vaskulare – forma e dytë më e zakonshme e demencës pas Alzheimerit – e cila ndodh kur rrjedhja e reduktuar e gjakut dëmton trurin.
Tani studiuesit besojnë se Viagra mund të ndihmojë edhe Alzheimerin.
Shkaku i saktë i këtij lloji të demencës nuk është kuptuar plotësisht, por mjekët e dinë se ndikojnë depozitat jonormale të proteinave që grumbullohen në trurin e njeriut./Opinion.al
