Jo shumë kohë më parë interneti “u çmend” prej një veze! Veza, e cila sot është më e famshmja në botë, është fotoja më e pëlqyer në Instagram. Kylie Jenner ishte ajo që mbante rekordin më parë me 18 milion pëlqime në foton ku na prezantoi të gjithëve për herë të parë me të bijën, Stormi Webster. Rekordi i fotos së Kylie u thye nga @world_record_egg me një diferencë të konsiderueshme. Sot veza numëron rreth 53 milion pëlqime.
https://www.instagram.com/p/BsOGulcndj-/
Por pasi u bë fotoja më e pëlqyer në Instagram, veza filloi të “krisej”. Një ditë më parë zbuloi edhe arsyen. Me anë të një videoje, veza “shpjegoi” se arsyeja e krisjes ishte presioni i madh nga rrjetet sociale. Në video veza u drejtohet ndjekësve më fjalët: “Nëse edhe ju vuani nga e njëjta gjë, flisni me dikë”.
https://www.instagram.com/p/BtdYQwincYv/
Mesa duket personat që fshihen pas llogarisë së vezës më të famshme në botë kanë vendosur ta përdorin famën për një qëllim të mirë. Ata kanë krijuar një uebsajt me emër www.talkingegg.com ku kushdo që vuan nga presioni i rrjeteve sociale të marrë këshillimin e duhur./E.L
