Tom Ndreca gjyqtari i Gjykatës së Lartë është i treti nga kjo trupë që del para Vettingut.
Gjyqtari sipas Komisionit të Pavarur të Kualifikimit(KPK) nuk justifikon pasurinë në vlerën e 1,3 milionë lekëve.
Por Ndreca e kundërshtoi këto dyshime me arsyetimin se të ardhurat e tij nuk janë llogaritur mirë. Si argument ai solli faktin se që nga viti 1980 punon së bashku me familjarët e tij.
Sa i përket pastërtisë së figurës, rezulton se gjyqtari ka pasur kontakte me një person me precedent penale, i cili në fakt është kunati i tij.
Në vitin 2011 shtetasi me inicialet N. Gj është arrestuar, pasi është kapur me 0,44 gramë hashash. Në atë kohë Prokuroria e Shkodrës pushoi hetimet pasi droga ishte për përdorim personal. Ndërsa një sasi prej 6 kilogramësh që u gjet në banesën e këtij personi u faktua se nuk ishte e tij. Por Ndreca dhe avokatja e tij ka një tjetër version. Sipas tyre KPK po bën interpretim të gabuar të ligjit, pasi ky person është i pafajshëm, pasi çështja penale u pushua. Vendimi për Ndrecën pritet të lexohet në datën 17 Korrik.
Tv Klan
