Përfaqësues të Komisionit të Venecias, të hënën, në kryesinë e Kuvendit, zhvilluan një takim me përfaqësues të partive politike.
Në përfundim të këtij takimi, deputeti demokrat Edmond Spaho, bëri me dije për mediat se përfaqësuesve të Venecias i parashtruan qëndrimin e PD-së, për mospasjen e dy standardeve.
Nga ana tjetër, Ulsi Manja i PS-së, u shpreh se e mirëpresin opinionin e Venecias si tabanin e demokracisë.
Edmond Spaho: Ne parashtruam qëndrimin e PD-së i cili në thelb është se nuk duhet të ketë dy standarde, por standardi që zbatohet për prokurorët dhe gjyqtarët duhet të aplikohet për politikanët, kur flasim për lidhje me botën e krimit të organizuar. Shpjeguam me fakte se asnjë reformë në Shqipëri nuk do të ketë sukses nëse nuk do të shkëputen lidhjet e politikës me krimin e organizuar.
Ulsi Manja: Në këndvështrimin tonë takimi me delegacionin ishte shumë i frytshëm. Ishte një takim informues dhe sqarues me pyetje dhe përgjigje nga të dyja palët. Ne besojmë shumë në kompetencën de autoritetin e Komisionit të Venecias lidhur me opinionet e tyre lidhur me ndryshimet kushtetuese. Shpjegimet dhe mendimet tona do t’ua dorëzojmë edhe me shkrim edhe pse në materialin që kemi dërguar në Venecia nga Kuvendi ne i kemi dërguar disa pyetje. Por gjithësesi ne mirëpresim opinionin e Venecias si tabanin e demokracisë.
Pasdite, delegacioni i Venecias do të zhvillojë takime me Presidentin Meta, ministren e drejtësisë, Etilda Gjoni si edhe ambasadorin e BE në vendin tonë Luigi Soreca.
Vetting-u në politikë është propozimi i opozitës. Pakica parlamentare argumenton se përmes këtij instrumenti synohet ç’montimi i lidhjeve të politikanëve me krimin e organizuar.
Mazhoranca është shprehur se kërkesat e opozitës marrin përgjigje nga instituciuone që priten të ngrihen së shpëjti, si Byroja Kombëtare e Hetimit dhe Prokuroria Speciale.
Megjithatë, socialistët janë në pritje të opinionit të Venecias për të thënë fjalën e fundit.
