Komisioni i Jashtëm i Vlerësimit për “Për Vlerësimin Kalimtar dhe Periodik të Punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat, në Ministrinë e Brendshme”, ka përzgjedhur 45 emrat e parë që do t’i nënshtrohen procesit të vettingut në polici.
Subjektet e vlerësimit janë në instancat më të larta drejtuese. Në Policinë e Shtetit janë 31 punonjës, në Shërbimin për Çështjet e Brendshme dhe Ankesat (SHÇBA) 12 punonjës dhe 2 punonjës të Gardës së Republikës.
Dosjet e vetë-deklarimit janë tërhequr nga Komisioni i Jashtëm i Vlerësimit dhe ka nisur puna në fazën e parë, ajo e shqyrtimit të deklaratave, kërkimit të informacioneve dhe verifikimeve përkatëse.
Ligji parashikon se pas procesit të hetimit administrativ, do të mbahet për çdo subjekt seancë e hapur dëgjimore. /Opinion.al
