Aktualitet

Vetting për noterët, Manja: Askush në sistem që ka lidhje me krimin


Bëhu pjesë e Grupit Zyrtar të Opinion.al
>> KËTU <<
               Publikuar në : 13:32 - 03/11/21 |
Opi Nion

Ministri i Drejtësisë, Ulsi Manja u shpreh pas mbledhjes së qeverisë se këtë të mërkurë është kaluar ligji i ri për noterët.

Sipas Manjës, do të ketë vetting për noterët, i cili ka për qëllim të largojë nga sistemi të dënuarit dhe ata me kontakte të papërshtatshme.

“Sapo kaluam në qeveri ligjin për disa shtesa dhe ndryshime për noterinë, i cili do të paraqitet në Kuvend. Kjo është një nga nismat më të rëndësishme që lidhet me profesionin e noterit. Nëpërmjet këtyre ndryshimeve përcaktohen kritere të reja për futjen në profesionin e noterit dhe që kanë të bëjnë me mospërfshirjen në këtë sistem të personave që kanë lidhje apo kontakteve të papërshtatshme me krimin e organizuar ose me persona të dënuar për kryerjen e veprave penale të rënda. Këtyre kritereve të reja do t’u nënshtrohen edhe noterët që tashmë janë pjesë e shërbimit noterial nëpërmjet inspektimeve proaktive që do të ushtrojë Ministria e Drejtësisë”, tha Manja./Opinion.al

 

 

Pas