Kryetari i Sindikatës së pedagogëve, Sandër Kovaçi e ka cilësuar shantazh ndaj stafeve akademike paralajmërimin e kryeministrit Edi Rama për vetting të pedagogëve.
Kovaçi theksoi se pavarësisht deklaratave të kryeministrit, protesta do të vijojë deri në rritjen e pagave dhe kërkesave të pedagogëve.
“Nuk i referohemi fjalëve të kryeministrit. Ai të mbajë përgjegjësinë e tij për arsimin. Të shoh qartazi arsimin. Jemi në vend të fundit në rankim. Jo vetëm jemi më poshtë se Kosova, por më poshtë se Bosnjë-Hercegovina. T’i japë dinjitetin financimit të universiteteve, platformës së re të arsimit. Nxjerrja e procesit të vettingunt në këtë moment, tregon frymë shtantazhi ndaj nesh. Është e pabesueshme kjo ide e tij në këto komente. Ka pasur mundësi në bazë të grevës së studentëve që të bëjë transparencë. Mos krijoni tymnajë se profesorati është shtresë e varfër.”, tha Kovaçi.
“Kryeministri të deklarojë piramidën e pagave në të gjithë administratën publike pasi kemi parë pastrues në Fondin Shqiptar të Zhvillimit që marrin më shumë se sa një pedagog”,-tha një tjetër pedagog, anëtar i sindikatës.
