Presidenti francez Emmanuel Macron vendosi të hënën veton, për zgjerimin e Bashkimit evropian. Sipas tij do të ishte e tmerrshme për bllokun nëse do të lejonte zgjerimin. Dhe sipas një analize që bën agjencia e lajmeve Reuters, Maqedonia e Veriut dhe Shqipëria do të jenë viktimat e para të zhgënjimit të Macronit.
“Unë jam më shumë skeptik ndaj atyre që thonë se e ardhmja e Evropës qëndron në zgjerimin e mëtejshëm, kur nuk mund të gjejmë marrëveshje midis 28 shteteve”, tha Macron ndërsa po qëndronte të hënën në Bruksel.
“Dhe unë jam këmbëngulës për faktin se do të refuzoj të gjitha format e zgjerimit para reformës së thellë në mënyrën se si funksionojmë institucionalisht”.
Por për një nga dy vendet që duan të marrin ditën jeshile për negociatat duket se ka një mbështetës. Referuar gjithmonë analizës së Reuters kancelarja gjermane Angela Merkel ka shprehur publikisht mbështetjen për Maqedoninë e Veriut që të fillojë bisedimet e pranimit.
“Maqedonia e Veriut shpreson se zgjidhja e mosmarrëveshjes së saj të gjatë me emrin me Greqinë do të jetë bileta e saj. Shqipëria, e perceptuar si një nga vendet më të korruptuara të Evropës që nuk ka arritur të luftojë pastrimin e parave, përballet me rezistencë më të fortë nga shtetet e Evropës veriore” shkruan Reuters.
“Zgjerimi kërkon njëzëshmëri, domethënë Macron do të kishte fuqinë e vetos. Holanda gjithashtu u pozicionua me Francën, kur çifti papritur bllokoi fillimin e bisedimeve të BE me Shqipërinë dhe Maqedoninë e Veriut në qershor 2018”, thekson më tej Reuters.
“Asgjë e re nga Macron. Kur thotë zgjerimi ai nënkupton pranimin përfundimtar. Dhe është e vërtetë, ne duhet të jemi institucionalisht të gatshëm për shtetet e reja anëtare “, tha një zyrtar evropian, duke minimizuar qëndrimin e tij./ Opinion.al
