Pas një drite jeshile me kushte nga Berlini, për çeljen e negociatave, tani Shqipëria duhet të bind dhe vendet e tjera skeptike: Francën, Holandën dhe Greqinë.
Athina zyrtare e ka bërë të qartë se do të vendos veton për Shqipërinë,pasi nuk respektohet minoriteti grek si dhe të drejtat e tyre. Megjithatë duket se një takim me kryeministrit shqiptar dhe homologut të tij grek do të ndodh gjatë asamblesë së OKB-së.
Kryeministri Edi Rama do të udhëtojë drejt New York-ut për t’iu bashkuar diskutimeve mbi ndryshimet klimatike, të hënën, ku do të marrin pjesë liderët e më shumë se 60 vendeve të botës.
Asambleja e OKB, gjithashtu do t’i hapë rrugë bisedimeve dy palëshe mes liderëve te vendeve të Ballkanit Perëndimor, zhvillime këto të cilat do të drejtohen nga përfaqësuesja e lartë e BE, Federica Mogherini.
Në këtë kontekst, kryeministri Edi Rama do të bisedojë me homologun e tij grek Kyriakos Micotaqis. Mësohet se takimi kokë me kokë mes dy kryeministrave do të ketë në fokus negociatat e Shqipërisë me BE. Vendimi i Këshillit Europian për Shqipërinë dhe Maqedoninë e veriut do të jepet më 18 tetor./ Opinion.al
