Kryeministri i Kanadasë, Justin Trudeau, është vëtizoluar.
Ai e bëri lajmin të ditur me një deklaratë zyrtare ku shpjegoi se bashkëshortja e tij, Sophie Gregoire Trudeau, ka shfaqur simptoma të dyshimta dhe po testohet për COVID-19.
Sophie Trudeau paraqiti shenjat e para sapo u kthye nga një udhëtim në Britaninë e Madhe, ku ndodhej për arsye të agjendës së saj si zonja e parë e vendit amerikano-verior.
Kryeministri sqaroi se ai ndërkohë nuk paraqet shqetësime, por çdo aktivitet që parashikon praninë e tij fizike është anuluar ose shtyrë.
Trudeau deklaroi se gjithsesi ai është aktiv dhe po merr pjesë online në të gjitha mbledhjet, edhe në atë kushtuar pikërisht koronavirusit.
Sakaq, Kanadaja nuk është prekur masivisht nga Covid-19, dhe deri më tani numëron 103 raste dhe një viktimë./Opinion.al
