Gjyqtari i Kushtetueses Fatmir Hoxha ka radhën për të kaluar në sitën e vetingut. Më 7 maj do të jetë seanca dëgjimore për të Komisionin e Pavarur të Kualifikimit. Në një njoftim për mediat, KPK tha se “Gjyqtari i Gjykatës Kushtetuese do të dalë para trupës gjykuese në orën 11:00 të së hënës së javës së ardhshme. Trupa gjykuese do të përbëhet nga Xhensila Pine, Valbona Sanxhaktari, Alma Faskaj”.
Deri tani nga Gjykata Kushtetuese, vettingun e ka kaluar vetëm Vitore Tusha. Sakaq, është shkarkuar Fatos Lulo dhe për Altina Xhoxhajn ende nuk është marrë vendimi. Procesi i Vettingut përfshin kontrollin e pasurisë së gjyqtarëve të lartë si dhe të afërmve të tyre.
