Pasi 2 pacientë të infektuar me COVID-19, u vetëvranë duke u hedhur nga spitali “Shefqet Ndroqi”, Prokuroria ka nisur hetimet.
Burime për Opinion.al, bëjnë me dije se Prokuroria është duke hetuar rastet për akuzat e shkaktimit të vetëvrasjes dhe mjekimit të pakujdesshëm.
Më 13 Gusht, ora 04:30, u shënua ngjarja e rëndë e parë që shokoi opinionin publik. Xhino Koça, një i ri, në gjendje të rënduar psikologjike u vetëhodh nga kati i tretë i Sanatoriumit, pas 4 ditësh i shtruar në spital.
Ndërkohë, pa kaluar një muaj, një tjetër pacient u vetëvra, në të njëjtën mënyrë. Hasan Mira 65 vjeç, i dha fund jetës mbrëmjen e shkuar. Ai ishte i shtruar në spital prej dy ditësh dhe sipas stafit ndodhej në gjendje të rënduar psikologjike./Opinion.al
