Një 63-vjeçar nga Përmeti kreu vetëvrasje, duke u hedhur nga kati i tretë i spitalit rajonal “Omer Nishani”, në Gjirokastër. Gëzim Malkaj i dha fund jetës nga dhimbjet dhe nga mungesa e kujdesit, thanë dy pacientë që ndodheshin së bashku me 63-vjeçarin, në dhomën 214 të pavionit të Kirurgjisë.
Ata janë shprhur se Malkaj kishte disa ditë që ndodhej i shtruar në spital, në pritje për t’u operuar pasi vuante nga hernia inguinale, apo siç quhet ndryshe nga dhjami në rrëzën e kofshës.
Pak para se 63-vjeçari të kryente aktin e vetëvrasjes, sipas dy dëshmitarëve që ishin shtruar në të njëjtën dhomë, Gëzim Malkaj ka ngritur zërin disa herë ku ankohej për dhimbje. Madje, ai ankohej edhe për shërbimin e infermieres, e cila nuk po i përgjigjej apelit të tij.
Pas një situate shumë të rënduar dhe depresioni të madh mendor, Gëzimi është shprehur: “Epo, këta të bëjnë t’u q** nënën dhe pastaj t’ia bësh bam vetes”, tregojnë dy pacientët që ndodheshin në dhomë bashkë me 63-vjeçarin.
Pasi ka ulëritur dhe sharë infermieren për dhimbjet, Gëzimi u tha shokëve të dhomës fjalën e fundit:
“Unë po shkoj se vetëm kështu do më pushojnë dhimbjet”. Shokët e dhomës kanë nxituar të ndalojnë aktin e Gëzimit, por e kanë pasur të kotë, pasi 63-vjeçari ka kapërcyer kangjellat e hekurta të ballkonit të dhomës ku akomodohej dhe u hodh poshtë me kokë.
Shokët e dhomës kanë nxituar të ndalojnë aktin e Gëzimit por e kanë pasur të kotë pasi 63 vjecari, ka kapërcyer kangjellat e hekurta të ballkonit të dhomës ku akomodohej dhe u hodh poshtë me kokë.
Familjarët e të ndjerit, mësohet se direkt pas ngjarjes, kanë tërhequr dosjen mjekësore të Malkajt me pretendimin se do ta bënin problem shkakun që solli vdekjen e njeriut të tyre.
Malkajt i ishte komunikuar dje (e diel) se do të hynte në sallën e operacionit mëngjesin e të martës pasi e hëna si pushim nuk do të kryheshin operacione të planifikuara.
Policia e Gjirokastrës ka shkuar në vendngjarje dhe ka marrë në pyetje pacientët e dhomës ku akomodohej viktima, por edhe kirugët e spitalit. Sipas grupit hetimor, vdekja ka ardhur si pasojë e hedhjes nga ballkoni me lartësi 13 metra në kushtet e depresionit mendor.
