Një grup i vogël të rinjsh kanë protestuar sot në Tiranë, teksa Presidenti i Kosovës, Hashim Thaçi dhe kryebashkiaku i Tiranës, Erion Veliaj po kryenin nderime tek busti i Adem Jasharit. Mësohet se të rinj që mbanin parulla “Kosova është Shqipëri”, “Tradhtia i paraprin korrupsionit” dhe “Kufiri mes nesh është Jugosllavia”, ishin të Lëvizjes Vetëvendosje.
“Ceremoninë e nderimit të memorialit të Adem Jasharit në Tiranë nga ana e Presidentit të Republikës së Kosovës, Hashim Thaçi, janë përpjekur ta prishin një grup i vogël të rinjsh që supozohet që ishin përkrahës të Lëvizjes Vetëvendosje. Mësohet se katër apo pesë studentë me fishkëllima kanë provuar të zhvendosin vëmendjen nga nderimet para memorialit”, thanë të pranishmit në aktivitet.
