Lëvizja Vetëvendosje kryeson zgjedhjet në Kosovë teksa janë numëruar 95.88% të votave sipas të dhënave të KQZ-së.
Ajo ka marrë deri tani 25,79% të votave e ndjekur nga LDK me 25,05%. Partia Demokratike e Kosovës është e teta me 21, 15% ndërsa koalicioni i ish kryeministrit Haradinaj ka marrë vetëm 11,63% të votave.
Kryetari i Vetëvendosjes, Albin Kurti shpalli mbrëmjen e djeshme fitoren e subjektit të tij politik.
“Si kryeministër i Republikës së Kosovës, në legjislaturën e shtatë, e shpall fitoren e Lëvizjes Vetëvendosje në zgjedhjet 6 tetorit 2019”, th Kurti para selisë qendrore të Lëvizjes Vetëvendosje në Prishtinë.
“Qeveria e re duhet ta kompensojë një kohë të gjatë të humbur dhe mundësitë e shumta të çuara dëm deri më sot”shtoi ai.
Më pas ai iu bashkua festës së partisë së tij në sheshin “Skënderbeu” në Prishtinë. Në përkrahje të Lëvizjes Vetëvendosje kanë dalë shumë aktivistë dhe qytetarë të Prishtinës.
Lidhja Demokratike e Kosovës ka marrë deri tani 5666 vota më pak se Vetëvendosja. Kandidatja e tyre Vjosa Osmani tha se duhet të pritet vendimi përfundimtar i numërimit të votave.
Ditën e djeshme kryetari i PDK, Kadri Veseli pranoi rezultatin dhe daljen e subjektit të tij në opozitë pas 12 vitesh. /Opinion.al
