Një ngjarje e rëndë ka ndodhur në Delvinë, ku një 20 – vjeçar është vetë-plagosur me thikë në pjesë të ndryshme të trupit. Ai është transportuar urgjentisht me helikopter drejt Tiranës, për shkak të gjendjes së rënduar në të cilën ndodhet. Ngjarja ka ndodhur ne lagjen “Xhermehalle”, ne Delvinë.
Ardit Halili, 20-vjec nga qyteti i Delvinës ka pësuar hemorragji të brendshme dhe dëmtime në organe të ndryshme të trupit.
Njoftimi i policisë së Delvinës:
Rreth orës 08:25, në lagjen “L.Malo” Delvinë, dyshohet se është vetëplagosur me mjet prerës në banesën e tij, shtetasi A.H., 20 vjeç.
I dëmtuari është dërguar menjëherë në Spitalin e Sarandës për të marrë ndihmë mjekësore dhe më pas është nisur me Helikopter në drejtim të Tiranës për mjekim më të specializuar.
Dyshohet se personi ka vepruar ne kushtet e depresionit.
Grupi hetimor ndodhet në vendngjarje duke kryer hetimet e mëtejshme në lidhje me rastin.
