Në mars të vitit 2020 Europa Nostra shpalli Teatrin Kombëtar, si një nga sitet kulturore në botë në rrezik. Pavarësisht kësaj, në orët e para të mëngjesit të 17 majit, Teatri Kombëtar u shemb.
Por a ka precedentë një ngjarje e tillë, kur një objekt i mbrojtur nga ky institucion, i cilësuari si më “autoritari i trashëgimisë kulturore në Europë”, të shembet nga qeveria vendëse?
Duket se vetëm Turqia dhe Shqipëria shkatërruan objektet, të cilat ishin nën mbrojtjen e organizatës Europa Nostra.
“Deri më sot dhe përpara shkatërrimit të dhunshëm dhe brutal të Teatrit Kombëtar të Shqipërisë në Tiranë, asnjë nga 36 objektet e trashëgimisë të përzgjedhura për ‘7 vendndodhjet më të rrezikuara’, që prej 2013-ës nuk është shkatërruar. Hasankeyf, në Turqi, mund të krahasohet me rastin e Teatrit Kombëtar, sepse qyteti u zhyt nën ujë për shkak të ndërtimit të një dige në lumin Tigër”, deklaron Europa Nostra për gazetën Panorama.
Përpos Teatrit Kombëtar, edhe Hasankeyf, i quajtur ndryshe si “xhevahiri i njerëzimit”, u përmbyt për shkak të ndërtimit të një dige. Diga sot funizon një hidrocentral të ndërtuar në atë zonë.
Ky monument ishte nën mbrojtjen e Europa Nostrës dhe UNESCO do ta kishte marrë nën mbrojtje, por duhej që Ministria e Kulturës, të bëntë kërkesë. Kjo gjë që nuk u lejua nga Presidenti i Turqisë, Recep Taip Erdogan./Opinion.al
