Zonja e Parë në largim, Odeta Nishani, vetëm pak orë para se të lërë Presidencën, ka përshëndetur të gjithë shqiptarët nëpërmjet një mesazhi në rrjetet e saj sociale. Në mesazhin e saj, Odeta Nishani shkruan sot:
“Të dashur miqtë e mi,
Në mbyllje të mandatit presidencial dua t’ju falenderoj thellësisht nga zemra që më keni ndjekur dhe inkurajuar këto vite në aktivitetet si Zonjë e Parë. Shumë prej jush i kam takuar, kemi biseduar nga afër për problematika dhe sfida në fusha të ndryshme të jetës.
Në pamundësi për t’ju shtrënguar të gjithëve dorën sot dua t’ju uroj nëpërmjet fb, mbarësi në familjet tuaja, të jeni kontributorë të mirë në familje dhe shoqërinë tonë të përbashkët….miqësisht Odeta”.
Kujtojmë që Presidenti i ri i vendit është zgjedhur Ilir Meta, i cili sot pasdite do të bëjë ceremoninë e betimit. Ai në ceremoni nuk do të jetë i shoqëruar nga bashkëshortja e tij Monika Kryemadhi e cila e ka pohuar publikisht se nuk do të jetë në rolin e Zonjës së Parë, por mësohet se krah Metës do të jetë vajza e tij e madhe, e cila mesa duket do të shoqëroi babain e saj në ceremoninë e rëndësishme të marrjes së Presidencës. /Opinion.al
