Aktori i famshëm i Hollivudit, Nicolas Cage ka kërkuar anulimin e martesës, vetëm katër ditë pasi i dha fund beqarisë. “People” raporton se ylli i filmit “Face off” ka kërkuar anulimin e martesës nga bashkëshortja, Erika Koike.
Madje aktori 55-vjeçar ka kërkuar divorc nëse anulimi nuk është i mundur. Nicolas dhe Erika nisën të dilnin bashkë në prillin e vitit të kaluar, kur u fotografuan gjatë xhirimeve në Puerto Rico dhe kurorëzuan dashurinë në Las Vegas.
Kërkesa e papritur për anulimin e martesës së Cage vjen pas disa pamjeve të çuditshme që u publikuan dy ditë më parë ku aktori shihej duke i ulëritur partneres në rrugë, i dehur.
“Gjatë gjithë kohës ai po bërtiste ‘do më marrësh të gjitha paratë’ dhe ‘ish-i jot është i droguar, ti je më keq’”, raportonte “Daily Mail”.
Kjo ishte martesa e katërt e aktorit./Opinion.al
