Është vetëdorëzuar një nga autorët që dhunoi ditën e sotme avokatin Sokol Mëngjesi.
Mësohet se personi që tashmë ndodhet në ambientet policisë është Dorian Aliaj, ndërkohë janë ende në kërkim Romario Tabaku, Elton Kasaj dhe Drivald Aliaj.
Drejtori i Policisë së Tiranës, Tonin Voçaj tha se Mëngjesi është dhunuar për shkak të detyrës, pasi kë përfaqësuar në proces gjyqësor një familje e cila ishte në konflikt me persona të tjerë për një banesë.
“Rezulton se Sokol Mëngjesi me profesion avokat, është godiur për shkak të detyrës. Avokati ka përfaqësuar ligjërisht një familje e cila kishte të trashëguar një pronë në qytetin e Tiranës. Disa nga trashëgimtarët nuk kanë pranuar të nënshkruajnë aktet ligjore. Vazhdohet operacioni për kapjen e 4 personave të shpallur në kërkim. Për çdo informacion, 20 mijë vihen në dispozicion. Vetëorëzohet Dorian Beqir Aliaj”,-tha Vocaj.
