Vetëdorëzohet në polici autori i dyshuar i vrasjes me thikë të 16-vjeçarit Denis Vrenozi pasditen e sotme në Fier.
16-vjeçari është goditur me thikë në trotuar në vendin e quajtur kryqëzimi i Zogut të Zi, pranë tregut të fruta-perimeve.
Mjekët thanë se 16-vjeçari kishte marrë plagë të rënda nga mjeti prerës thikë në pjesët e sipërme të trupit. Policia u njoftua për ngjarjen dhe nisi menjëherë kërkimet për autorin.
Por, 3 orë pas ngjarjes së rëndë 17-vjecari Florian G. ka shkuar vete ne polici. Ai dyshohet se e ka goditur me thikë bashkëmoshatarin pas një sherri për motive të dobëta. Policia tha se autori dhe viktima ishin shokë.
