Komisioni Qendror i Zgjedhjeve (KQZ) ka vendosur të enjten të mos u heqë mandatin asnjë prej deputetëve dhe kryetarëve të bashkive që kishin parregullsi në vetë-deklarime.
KQZ vendosi që vetë-deklarimet të riverifikohen.
Kështu, Komisioni Qendror i Zgjedhjeve vendosi kundër heqjes së mandateve të deputetëve Arben Risani, Asllan Dogjani dhe Eduart Halimi si dhe kryebashkiakëve Adriatik Zotkaj dhe Tërmet Peçi.
Përfaqësuesit e opozitës u larguan nga mbledhja para se të shpallet vendimi për 21 deputetët dhe kryetarët e bashkive në listë dhe vendimi u mor me 4 vota.
