Anxhela Peristeri ka tërhequr vëmendjen e të gjithëve në parakalimin e saj në tapetin ngjyrë bruz, në të cilin morën pjesë gjithë konkurrentët e “Eurovision” për këtë vit.
Dhe kryefjala në të gjithë mediat e huaja ka qenë këngëtarja dhe fustani i saj I kuq, e cila do të prezantoj Shqipërinë në kompeticionin e muzikës.
Fustani që Peristeri kishte përzgjedhur ka fituar aq vëmendje sa ka arritur të shpallet si veshja më bukur.
“WiwiBlogs”, portali më i madh i “Eurovision”, ka organizuar një sondazh për publikun për të përzgjedhur këngëtaren e veshur më bukur dhe Anxhela ka mbledhur shumicën e votave.
Fustani i kuq, i çarë deri në pjesën e sipërme të këmbës i dizejnuar dhe punuar deri në detaj nga Valdrin Sahiti, duket se i ka pëlqyer shumicës së publikut europian. Për këngëtaren shqiptare kjo është fitorja e parë.
Për gjithë këtë zhurmë nëpër media mbi fustanin e kuq të bukur Peristeri ka falenderuar publikisht të gjithë ata që e përzgjodhën e dhanë titullin e artistes së veshur më bukur.
“Faleminderit nga thellësia e zemrës për mbështetjen tuaj dhe që më keni votuar si të veshurën më bukur në tapetin bruz në Eurovision. Ja dolëm Valdrin Sahiti”, shkruan Anxhela në një postim në llogarinë e saj në “Instagram”./Opinion.al
View this post on Instagram
