Kryetari i Partisë Demokratike të Kosovës, Kadri Veseli ka udhëtuar drejt Hagës për t’u marrë në pyetje nga Prokuroria e Specializuar për krime të luftës në Kosovë, me seli në Holandë.
Para nisjes, Veseli u ka thënë mediave në Prishtinë se “Gjykata Speciale është sfidë përballë krimeve makabre serbe”.
“Të njëjtën kohë është edhe një moment ndërkombëtar për të rikonfirmuar pastërtinë e luftës e të popullit tonë, luftës së ushtrisë tonë”, -tha Veseli.
Ashtu si ish-komandantët dhe ish-pjesëtarët e Ushtrisë Çlirimtare të Kosovës, edhe Veseli tha se ndihet krenar për luftën e UÇK-së.
“Dua ta them se me asnjë gjë nuk e ndërroj atë pjesë të jetës sime krenare. Historia e UÇK-së është historia e popullit tonë për liri dhe pavarësi”,-tha Veseli.
Veseli do të merrej në pyetje më 4 dhjetor, mirëpo për shkaqe teknike diçka e tillë është shtyrë për në 10 dhjetor./Opinion.al/
