Piloti Max Verstappen ka fituar titullin e Formula 1 për të tretin vit radhazi, pasi u rendit i dyti në garën e sprintit të shtunën në Katar.
Mediat e huaja shkruajnë se ka qenë një sezon dominimi për Verstappen dhe Red Bull.
Holandezi e arriti këtë sukses ndërsa ishte ende duke garuar, pasi shoku i skuadrës Sergio Perez doli jashtë piste gjatë garës spirnt të Çmimit të Madh të Katarit.
Holandezi tregoi emocionet për këtë sukses të arritur për here të tretë radhazi.
“Mendoj se askush nuk e priste brenda skuadrës, që do të kishim një sezon të tillë me shumë suksese. Ne jemi shumë krenarë për arritjet tona ashtu si dhe unë jam shumë krenar, që ulem këtu dhe po flas për titullin kampion. Ëndrra ime ishte të garoja në Formula 1, të fitoja ndonjë garë ose të isha në podium. Është e pabesueshme ta fitosh titullin kampion tre herë”, ka thënë ai./Opinion.al
