Ka qenë një një aksident rrugor shkaku i vërtetë që më pas është kthyer në përleshje fizike, ku ka mbetur i dhunuar keq edhe një biznesmen palestinez. Mësohet se përplasja mes dy makinave ka ndodhur në atë që njihet si kryqëzimi i Laknasit në afërsi të rrugës së Rinasit, ku të përfshirë në ngjarje kanë qenë një automjet tip Volksëagen dhe një Mitsubishi. Pikërisht në këtë moment ka ndodhur edhe konflikti fizik mes personave që udhëtonin me dy makinat.
Si pasojë e përplasjes kanë mbetur të lënduar drejtuesi i Mitsubishit me inicialet E.M dhe pasagjeri në këtë makinë, biznesmeni Fadi Mitri 54 vjeç nga Palestina rezident në Shqipëri, të cilët më pas janë konfliktuar me njëri-tjetrin.
Sipas policisë, drejtuesi i mjetit “Volksëagen” së bashku me pasagjerët, te dyshuar si ushtrues të dhunës, janë larguar nga vendi i ngjarjes.
“Shërbimet e policisë dhe grupi hetimor po punojnë për identifikimin dhe shoqërimin e personave të tjerë të përfshirë në aksident dhe me pas në aktin e dhunshëm, për sqarimin e plotë të rrethanave të ngjarjes dhe vënien para përgjegjësisë ligjore të agresoreve”, thuhet në njoftimin zyrtar të policisë.
Mësohet se biznesmeni në fjalë do të ndërtojë resortin turistik tek Gjiri i Lalzit.
