Kreu i Partisë Demokratike, Sali Berisha në një deklaratë për mediat shprehu mirënjohjen e tij ndaj mijërave shqiptarëve, që sipas tij vërshuan nga ajri toka e deti për të votuar sot në Shqipëri.
“Falënderoj ata qytetarë që gjer tani kanë hedhur votën e tyre, kanë votuar duke kryer kështu një detyrim madhor të çdo shqiptari mbi moshën 18-vjeçare. Detyrim madhor ndaj vetes, familjes, shoqërisë, Shqipërisë dhe kombit. Një falënderim i veçantë dhe mirënjohje e pakufishme për ata mijëra e mijëra shqiptare dhe shqiptarë që nuk u regjistruandot për shkak të burokracirave dhe frikës së qeverisë ndaj votës së tyre, por kanë vërshuar nga ajri, nga toka dhe nga deti dhe janë dyndur sot dhe po votojnë në Shqipëri. Mirënjohja ime është e pakufishme ndaj tyre”, tha Berisha.
Sipas Berishës ata me votën e tyre iu gjendën vendit dhe kombit në një moment, me vojë shumë të madhe.
Nga ana e tij, gjatë kësaj deklarate, Berisha ka bërë sërish thirrjen që çdo shqiptar të shkojë e të votojë.
“Së fundmi, edhe njëherë thirrja ime është për çdo shqiptar: voto, voto, voto për veten tënde, për fëmijët e tu, për vendin tënd, për të ardhmen tënde, të fëmijëve të tu, për biznesin, për rrogat, për pensionet, për fermën”, u shpreh Berisha.
