Veriu i Kosovës, serbët fitojnë të katër komunat

Lista Serbe ka fituar zgjedhjet në katër komunat në veriun e Kosovës, Mitrovicë të Veriut Zveçan, Leposaviq dhe Zubik Potok.

Sipas rrjetit gjerman Deutche Welle, partia që ka mbështetjen e Beogradid ka marrë rreth 95% të votave në Mitrovicën e Veriut, 94.1% në Zubin Potok, 96.4% në Leposaviq dhe 96.4% në Zveçan.

Komisioni qendror i zgjedhjeve deklaroi se mbi 42% e votuesve morën pjesë në këto zgjedhje të jashtëzakonshme. Në garë ishin tri subjekte, Lista Serbe, PDK dhe Lëvizja Vetëvendosje.

Kryetari i Listës Serbe u shpreh në lidhje me rezultatin duke e konsideruar “fitore të popullit serb dhe Serbisë”.

Beogradi zyrtar e mirëpriti fitoren e Listës Serbe në katër komunat në veri të Kosovës. Presidenti i Serbisë, Aleksandar Vuçiç, tha se ky është konfirmimi më i mirë për unitetin politik të serbëve rreth interesave vitale dhe nacionale.

Ndonëse KQZ njofton për një proces të rregullt pa ndonjë parregullsi, rrjeti i organizatave joqeveritare Demokracia në Veprim (DNV) që kishte vëzhguesit e saj në komunat e veriut, thotë se ka numëruar disa parregullsi. Në njoftimin e DNV-së, thuhet se në disa raste është votuar me dokumente të Serbisë, kishte votime familjare, raste të votimit jashtë kabinave si dhe tentimet për të votuar më shumë se një herë.

Rezultatet:

Mitrovicë e Veriut:

Lista Srpska: Goran Rakiq me (95.2%)

Partia Demokratike e Kosovës: Gonxhe Çaushi (3.1%)

Lëvizja Vetëvendosje: Erden Atiq (1.6%)

Zubin Potok:

“Lista Srpska” Srxhan Vulloviq me (94.1%)

Partia Demokratike e Kosovës: Hysen Mehmeti (3.1%)

Lëvizja Vetëvendosje: Liridona Kahrimani (2.8%)

Leposaviq:

“Lista Srpska”: Zoran Todiq (96.4%)

Partia Demokratike e Kosovës: Shaqir Hetemi (2.1%)