Deputeti i Partisë Demokratike, Lefter Gështenja ka kërkuar verifikim nga Autoriteti i Dosjeve për figurën e tij dhe të familjarëve të tij.
Në një status në rrjetet sociale, teksa publikon përgjigjen e Autoriteti të Dosjeve, ku thuhet se Gështenja nuk ka lidhje me ish-Sigurimin e Shtetit, deputeti shton se duhet ta nisim nga vetja para se ti kërkojmë kundështarit verifikimin e figurës.
“Ta fillojmë nga vetja! Iu drejtova zyrtarisht Autoritetit të Dosjeve të verifikojë figurën time dhe të familjarëve të mi. Përgjigja erdhi: ASNJË lidhje me ish Sigurimin e Shtetit as unë dhe as familjarët e mi! I qëndroj parimit se duhet ta nisim nga vetja, para se t’ja kërkojmë kundërshtarit. Të jesh i pastër nuk ka të bëjë me ligjin por me moralin! Nuk i duhet shqiptarëve hapja e dosjeve nëse ata që drejtojnë vendin nuk marrin guximin të verifikojnë emrin e vet!”-shkruan Gështenja.
